الأربعاء، 8 يوليو، 2009

مساعدة الأخرين

السلام عليكم ورحمة الله وبركاته

حياكم الله وبياكم اخوانى وأخواتى وسدد على طريق الحق خطاى وخطاكم .

حد فيكم جرب مرة الشعور لما يقدم مساعدة لحد بدون ما ينتظر حتى كلمة شكر منه ،
حد فيكم شاف مرة نظرة إمتنان فى عين شخص بعد ما قدمله مساعدة ولو بسيطة ،
حد فيكم شاف نظرات شخص كبير فى السن أو إمرأة عجوز لما عداها طريق زحمة مثلا ،
حد فيكم حس بالدعاء وهو طالع من القلب لما ست كبيرة تقولك روح يبنى ربنا يحميك لما تقوملها مثلا فى الباص أو المترو ،
.
.
.
متهيألى الأمثلة كتير ولو فضلت أعد لبكرة مش هخلص ومش هقدر أوصف السعادة اللى الواحد ممكن يحس بيها فى أى موقف مشابه .



... علمنى سيدنا محمد صلى الله عليه وسلم أن السعادة فى مساعدة الأخرين ، وأنه على قدر عونك لاخيك تجد الله فى عونك ، وأنه من يزرع الخير لا يحصد إلا خيرا .

قال صلى الله عليه وسلم :

من نفس عن مسلم كربة من كرب الدنيا نفس الله عنه كربة من كرب يوم القيامة ، ومن يسر على معسر في الدنيا ، يسر الله عليه في الدنيا والآخرة ، ومن ستر على مسلم في الدنيا ستر الله عليه في الدنيا والآخرة ، والله في عون العبد ، ما كان العبد في عون أخيه

الراوي: أبو هريرة المحدث: الألباني - المصدر: صحيح الترمذي - الصفحة أو الرقم: 1930خلاصة الدرجة: صحيح

... علمنى سيدنا محمد صلى الله عليه وسلم أن ما عند الله باق لا يزول وانه ما من عبد يقدم شئ خالصا لوجه الله تعالى إلا وكان جزاءه عند ربه خيرا بإذن الله .

... علمنى سيدنا محمد صلى الله عليه وسلم أن الجزاء من جنس العمل ، وكلما مددت يدك لمساعدة الأخرين سيسخر لك الله من يمد يده إليك .

قال صلى الله عليه وسلم :

مثل المؤمنين في توادهم وتراحمهم وتعاطفهم ، مثل الجسد . إذا اشتكى منه عضو ، تداعى له سائر الجسد بالسهر والحمى

الراوي: النعمان بن بشير المحدث: مسلم - المصدر: المسند الصحيح - الصفحة أو الرقم: 2586خلاصة الدرجة: صحيح

أخوانى واخواتى .. تعالوا نرجع لتعاليم وتربية المصطفى صلى الله عليه وسلم ، تعالوا ننسى شوية السرعة اللى بقينا فيها ونتأمل شوية حاجات كتير حلوة اوى حارمين نفسنا منها ، تعالوا ندى لنفسنا وقت نحاول نبص للى حوالينا ، تعالوا نستغل ما من الله به علينا فى شبابنا من صحة ونساعد ناس ربنا حارمهم من النعمة دى عشان لما نبقى زيهم نلاقى اللى يسخره الله لمساعدتنا .
متهيألى لو فكرنا شوية هنلاقى حاجات كتير اوى ممكن نساعد بيها ناس قريبين مننا محتاجين مساعدة بس للأسف احنا مش شايفين .

*** ياريت أسمع إقتراحتكم فى حاجات ممكن نعملها بسيطة ممكن تفرح ناس كتير أوى .

اللهم ردنا الى دينك ردا جميلا

سبحانك اللهم وبحمدك أشهد أن لا إله إلا أنت أستغفرك وأتوب إليك .

السلام عليكم ورحمة الله وبركاته

هناك 10 تعليقات:

طهر فؤادك يقول...

السلام عليكم ورحمة الله وبركاتة
جزاك الله خيرا اخى ايجى على الموضوع الجميل دة وفعلا لو كل واحد ساعد اخوة المسلم مش هنلاقى مسلم مشرد او سيدة واطفال بدون عشاء ينامون او نلاقى حد بيتسول علشان يكفى معشتة بل يكون مكرم فى بيتة والناس تتكافل وتساعدة .
فمعنى المساعدة عظيم ياريت نحسة ونطبقة مع فى حياتنا ولو فى اطار اسرتنا الصغيرة ولو كبر فى اطار مجتمعى يبقى عظيم .. واليكم الدعاء دة فى اخر كلامى :-
اللهم اجعلنا من المتصدقين الذين لايخافون الفقر اللهم امين ...
وجزاكم الله عنى خيرا والمسلمين

المهاجر يقول...

مساعدة الاخرين هى من المبادئ التى كونت روح الإسلام وجعلته يعلوا ويسموا فمساعدة الأخرين تنمة روح المحبة والتراحم والرقى والإخاء والموده وتقوية العلاقات الإنساسنية


شكرا على البوست الجميل وأتمنى دوام الإستمرار فى المواضيع الرائعة

بارك الله فيك

موناليزا يقول...

ربنا يكرمك
اقترح افشاء السلام على من نعرف ومن لانعرف والمصافحة

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته

حياكم الله وبياكم أخوانى وأخواتى

أخى طهر :
جزاك الله خيرا على موضوعك الاخير فى مدونتك وعلى إضافتك هنا

أخى المهاجر :
يارب دايما منورنا بأرائك وربنا ينور طريقك للجنة .

أختى موناليزا :
أدعوا الله لكى دوام التوفيق فى مدونتك الجميلة وجزاكى الله خيرا على الإقتراح
على فكرة انا جتلى فكرة طلب إقتراحات دى من حضرتك
ياريت يكون حقوق الملكية الفكرية عندك متاحة للمسلمين والمسلمات ههههه

جزاكم الله خيرا جميعا

أليس في بلاد العجائب يقول...

السلام عليكم ورحمة الله وبركاته

ازيك يا ابو حازم

جزاك الله خيرا علي التذكرة

وحتي لو اللي قدامك لم ينظر لك نظرة الامتنان ,, هتبقي مبسوط .. يكفيك انك مديت ايدك للي احتاجلك حتي ولو لم يطلبها

اللهم ارزقنا فعل الخيرات .. كلمة الواحد بيقولها و نفسه ربنا يبعتله حد يقدمله اي حاجة

متتصورش احساسك انك مفيد لاي حد في اي حاجة احساس مريح اد ايه

ربنا يكرمك علي انك فكرتنا وان شاء الله دايما تسعي في الخير :)


عارف

الواحد لما يقعد يتأمل اي حديث للرسول صلي الله عليه وسلم و تكون دماغه رايقه .. بيحس باحاسيس مختلفة غير لما تقرأها وانت دماغك مشغولة

اللهم صلي وسلم وبارك عليه .. جميل في كل حاجة اللهم ارزقنا صحبته و رضاه عنا برضاك يا اكرم الاكرمين

ملكة بحجابى يقول...

اللهم ردنا إلى دينك ردا جميلا
الله عليك
جزاك الله خيرا
اد ايه استريحت مجرد ماقريت النيم بتاعك بس فى مدونة كنت بقراها وجابنى اسمك لحد هنا وانشرح قلبى جدا باللى قريته
الحمدلله الذى ارضانى بك وجعلك الله فوزا للمسلمين وجزاك خيرا عن كل قول وفعل تفعله من أجل وجهه الكريم

تقبل مرورى
(ملكة بحجابى )

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى واخواتى وجعل الجنة مثواى ومثواكم
أختى الكريمة أليس :
ازيك اختى الكريمة يارب دايما فى رضا من الله وربنا يروق بالك دايما عشان تقرى أحاديث كتير وتنقليها لينا فى مدونتك وجزاكى الله خيرا

الاخت الكريمة ملكة بحجابى :
نورتينا وجزاكى الله خيرا على المجاملة الكبيرة دى وبردوا أحب أنقلك سعادتى الكبيرة جدا جدا بإسم حضرتك
وفقك الله لما يحب ويرضى أنتى وسائر المسلمين

أم مالك يقول...

ربنا يكرمك ويبارك فيك
لوحاولنا نزور دار مسنين بين الحين
والحين والتحدث معهم ومساعدتهم
لمدة يوم وهو الزيارة فى ملبسهم او ماكلهم او الاستماع اليهم بترحاب
فهذا العمل يدخل السرور عليهم كثيرا
وغيرها وغيرها ربنا يبارك فى
هذه المدونة الطيبة ويجزاك الله عنهاخير الجزاء فدخولى هنا فيه سكينة للنفس
وجزاك الله خيرا

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته

أم مالك :
حياكى الله وبياكى اختى ، حضرتك دايما منورانا وربنا يبارك فيكى وفى تشجعيك المستمر ، فكلامك طيب دائما جزاكى الله خيرا وياريت الأخوة يستمعوا لإقتراحك بخصوص زيارة دار المسنين والأيتام

أليس في بلاد العجائب يقول...

ما اسكت الله لك حساٌ